-----------------
1-قضيها فيس بوك طول النهار....ازاى هتعرف اخبار صحابك يعني؟
2-اتفرجت على التلفزيون النهاردة...لازم تتفرج عليه
3-اوعى تفتح كتاب...احنا هنقضيها قراءة؟؟!!
4-تبييض المشروع بيبدأ قبلها بيوم..معروفة يعني
5-ريفيت ايه يا عم؟؟ ماله الاوتوكاد؟؟!!
6-ثري دي ماكس برنامج خنيق ..ربنا يبارك لنا فى الاسكتش اب
7-سجايرك فى جيبك ..موبيلك مشحون..صحابك على القهوة...ده اللى بيهون علينا الدنيا
8-النت ده اختراع....مش عارف المعماريين كانوا عايشين قبله ازاى..الهبش اللذيذ
9-حرام تصرف فلوسك على الكتب...انت بتلاقي فلوسك فى الشارع؟؟!!
10-اضرب مشاريع للطلبة...فلوس سهلة ومحدش فاهم حاجة
11-ليه ترسم اسكتشات طالما ربنا انعم علينا بحاجة اسمها الكومبيوتر
12-اسمع كلام بابا وماما فى التصميم..هما صحيح مش معماريين بس عندهم خبرة فى الحياة وطاعة الوالدين واجبة
13-مشروع التصميم مش محتاج موهبة...محتاج علاقات عامة
14-عملت شاي بالياسمين قبل كدة للعملاء بتوعك
15-شربت شاي بالياسمين قبل كدة من المقاول
16-عارف ان معندكش عربية اصلا بس لازم يبقى معاك ميدالية ومفتاح عربية BMW عشان تعرف تطلب فلوس من العميل
17-عيب تطلب فلوس من العميل...لازم تتكسف..الراجل اول مرة يقصدك فى خدمة
18-العامل اللى فى الموقع خبرته اعلى منك ....سيبه يفتي
19-قرايبك كلهم محتاجينك...محدش منهم هيصمم بره وانت موجود
20-اللى انت اتعلمته فى الكلية كافي جدا جدا جدا
21-المسابقات المعمارية تضييع وقت الصراحة
22-من حق العميل عليك انه يطلب كفاءة عالية جدا وتتسلم فى 24 ساعة وماتطلبش فلوس ولا حتى تتكلم معاه فى الموضوع ده
23-لازم تدى العميل ملف الاوتوكاد ...الراجل ممكن يحب يكمل فيه بنفسه
24-الراجل طالما هو اللى بيدفع...يبقى تنفذ كل طلباته
25-اطلب من العميل يديلك صورة التصميم اللى هو عايزه..حتفتي يعنى؟؟!!
26-يوم الاجازة ده للشغل...بس برضة ممكن تأنتخ يوم من الشغل
27-لازم تتجوز واحدة معمارية....مين يعني هيقفل الشغل وراك بعد ما تخلص المطبخ؟؟
28-الديسك توب بتاعك زى اوضتك بالضبط ....الاتنين شكلهم من مخلفات الحرب
29-اللى يفكر يرتب اوضتك من حقك تقتله...دى مسأله شرف
30-الصبح تنزل الموقع وبالليل تروح مكتب و فى الاجازة تدي كورسات..أكل العيش أهم بكتير من التركيز فى شغلانة
31-الصلاة وقتها بعد ما تخلص شغلك...ربك غفور رحيم
32-تشتري كاميرا بروفيشنل ليه والموبيل موجود؟؟!!
33-فكرة التصميم مش بتطلع غير فى الميكروباز أو الصبح وانت فى الحمام
34-أقلب الشغل..كدة كدة الزبون بيقرفك فى الفلوس
35-لية تتوسع وتفتح مكتب طالما ممكن تعمل كل حاجة بنفسك؟؟!!
36-انت تاخد خبرة كم سنة الأول وبعد ما يبدأ اسمك يتعرف تسافر وتبدأ فى حتة جديدة
37-الماجستير ده للعيال السيس
38-لازم تتأخر دايما فى التسليمات لحد ما الزبون يطفش..ما تقلقش فى غيره كتير
39-تراث ايه ونيلة ايه....يا بخت من نفع واستنفع
40-بعد ما تنتفع بالكلام ده لازم تعمل شير عشان غيرك برضة وربنا يقدرك على فعل الخير
